Enchhin sorkar fuhloh avangin hmalam hun kan thlir thup- Vanlalzawma, Ex- MP

by News Editor

Tualchhung News

ZORAM TODAY| 8th September, 2025: Vawiin khan Mizo Hnam Run-ah MNF chuan chhung inkhawm an nei a. Vanlalzawma, MNF Vice President, Ex- MP chuan thusawiin, "Hmun hrang hranga kan boruak thlir hian, kum khat leh thlakua awrh chauh ZPM sorkar kan hrawn mekah, an thiltih diklo leh fuhlo tamtak avang hian kum 2028 inthlan kan thlir thup tawh mai a. Sorkar hnathawk leh tlawmngai pawl hrang hrangte sorkar lakah an lungawi lova, kiltinah lungawilo thawm hriat tur a tam hle a ni," a ti.

MNF Vice President chuan, sorkarin ram leh hnam tan pawi lian tak tak a khawih mek avang hian enchhin tlaklohah an chhuak mek a. Hemi siamtha tur hian MNF ten hnunglam hawi lovin, kan hmalam hun atan kan inpuahchah that zel a pawimawh, a ti a.

Tlawmngai pawlten FCCA 2023 duhlohna an lantir mekah pawh thahnemngai taka tel tur leh, chakna chang chho zel tura kan beih zel a pawimawh takzet a ni, tiin party mipui kalkhawmte a fuih bawk.

Dr. R Lalthangliana, MNF Sr. Vice President, Dampa constituency MNF official candidate hnen atangin Dampa constituency tlawh report tawi ngaihthlak a ni a.

Dr. Thangtea chuan Dampa bialah campaign tan tak tak a la nih loh thu sawiin, "Kan MLA ui em em Pu Lalrintluanga Sailo (L) nupui fanaute leh chhungkuate nen bial mipuite thlamuan turin kan kal a, chhungkaw program a ni ber a ni," a ti a. Bial pum hetiang hian thlawhchhuah vek tum a ni a. MNF MLA ten Pu Lalrintluanga Sailo (L) boralsan tak bial an tlawhchhuah kha bial mipuiten an thlamuanpui hle a ni tih thu a sawi bawk.